O dragón sanguinario foi ao doutor para comprender por que sempre lle doía a barriga despois de comer unha vaca. O doutor, un homiño miúdo mais moi serio, miroulle a boca, os dentes, a lingua e o nariz. ao cabo xa tiña a diagnose:
— O teu problema é que che fixeron crer que es un dragón selvaxe de todo e, por iso, has comer carne, mais na verdade es un dragón herbívoro e isto non cho dixera ninguén. Daquela, desde hoxe has comer só herba.
Así foi. A partir daquel día, o dragón dedicouse a comer herba nos prados ao carón das vacas, e xa non comeu máis ningunha. O que ninguén sabe é se tamén agora o dragón dá leite.
Sem comentários:
Enviar um comentário