Traballou con eles durante dous anos día e noite.
Adestrounos moi ben.
Até que os tivo preparados para actuaren como un ser humano.
Cando os metía no disfrace de home ninguén se decataba de que eran tres animais.
Os animais aprenderan a se comunicar entre si.
Daban conferencias.
Facían planos de grandes predios e pontes.
Escribían manuais de economía, filosofía e bricolaxe.
Até que se tornaron inmensamente ricos.
Mais sempre, cada noite, volvían durmir na casa do seu amo.
– E por que non se independizaban del -preguntará algún curioso lector.
Moi sinxelo: porque o chimpancé era a intelixencia e os movementos; o papagaio puña a voz –aínda que algo afrautada; e o grilo era a consciencia, que sempre os facía tornar á casa...
© Frantz Ferentz
Sem comentários:
Enviar um comentário