O FUMADOR DO ELEVADOR

 

Personaxes

• Fumador, que todo o tempo leva un cigarro na boca. Vese rodeado dunha nube de fume todo o tempo.
• Crianza
• Voz do elevador

Ambientación

Todo decorre no interior dun elevador.

ACTO ÚNICO

Vén por un lado o FUMADOR e polo outro o CRIANZA. Ambos detéñense diante das portas do elevador, que están abertas.Entran ambos.Fechan as portas do elevador. Soa unha campaíña.

FUMADOR. A que andar vas?

CRIANZA. Ao quinto.

VOZ. Elevador a subir.

Óuvese un isqueiro.

CRIANZA. Vai fumar? Non se pode fumar. Non nos espazos comúns.

FUMADOR. Neno, non sexas repugnate. Eu fago o que me peta. 

CRIANZA. Por favor, respecte as normas comunitarias.

FUMADOR [Irrespectoso] Cala a boca, ti, que es un cativo maleducado.

CRIANZA. Señor, hai un sinal aí que di que é prohibido fumar.

FUMADOR [Insolente]. Mais ti quen cres que es para me dares leccións de nada? Eu fago o que quero. Que non che aprenderon modais na túa casa?

CRIANZA. Aquí fica unha atmosfera irrespirábel.

O FUMADOR fuma. O CRIANZA comeza a tusir. Tose moito.

CRIANZA. Non me sexas parvo. Todos os cativos da túa idade estades feitos de porcelana, que rompedes á minima.

Continúan as toses. O FUMADOR ignora o neno.

Ao cabo, o neno vírase para o lado contrario e inclínase.

Soa un PFFFFFFF moi sonoro.

Non decorren nin tres segundos, cando o FUMADOR sacode a cabeza e fai ruídos de noxo.

FUMADOR [Bravo]. Mais o que é isto? Tiraches un pedo? Cheira a esgoto aquí dentro!

CRIANZA. É culpa súa. Con tanta ansiedade, véñenme os nervos e escápanme as flatulencias.

FUMADOR. Para cos peídos, cocho!

            PFFFFFF.

PFFFFFFFFFFF.

FUMADOR. Para de vez!

CRIANZA. Non podo, non me berre. Contra máis estrés, máis peidos.

O FUMADOR buliga a cabeza, fai ruídos de ARGHGHGH como se fose afogar.

FUMADOR. [A piques de desmaiar e cun fío de voz]. Paraaaaaaa...

CRIANZA. Agora que penso, non hai ningún cartaz que prohíba os peidos.

VOZ. Quinto andar. Portas abertas

Soa a campaíña do elevador. Abren as portas.

Sae a CRIANZA e desaparece por un lado, mentres o FUMADOR, sempre envurullado nunha nube de fume, sae tamén, a tusir, e cae ao chan esvaído.

PANO

© Frantz Ferentz, 2024