sábado, maio 04, 2019

O REI E O PEÓN [+10 anos]


Resultado de imagen para chess pawn and king

   O rei chantouse perante o peón.
   – Algún desexo antes de morreres? –preguntou o rei.
   – Só quero ser humano uns segundos.
   O rei sorriu. Pensou que o peón era un estúpido.
   – Outorgado.
  De repente, o peón era un neno e o rei era un home adulto. Sen hesitar, o neno deu un puntapé ao rei na canela. O rei caeu o chan e retorceuse de dores. Axiña, o neno e o rei tornaron a ser figuras de xadrez.
   Só daquela, o mestre Pelakov decatouse que o seu rei caera no tabuleiro e que o peón, inexplicabelmente, provocara o xaque mate.

© Frantz Ferentz, 2019

quinta-feira, maio 02, 2019

O ESCRITOR DE HISTORIAS FANTÁSTICAS [+8 anos]


Resultado de imagen para writer and typewriter

O escritor, todo concentrado, pensaba nunha historia acerca de seres fantásticos. Tiña necesidade de a escribir. De repente, sentiu uns pasos polo corredor e ruídos polos recantos máis profundos da casa. Berrou:
– Non quero distraccións!
Daquela, un trasno que penduraba do teito dixo ao seu parceiro:
– E logo, nós por que nos escondemos?
– Porque distraemos o humano...

© Frantz Ferentz, 2019