O problema do Serafín é que era tan magro, tan magro, que escoaba por
calquera burato. Tanto así, que os seus compañeiros comezaron a chamalo Serafín
o Espaguetín, porque realmente parecía un espaguete polo fraco que era. Era un
problema para el camiñar pola rúa, porque, á mínima escoaba polo ollo do esgoto.
Mais un día, Serafín o Espaguetín decidiu que tiña que tirar partido do seu
corpo. Colocou unha capa vermella e un antiface. Fíxose chamar o Capitán
Espaguete. A seguir, dedicouse a escoar por todos os buracos onde non cabía
ningún ser humano e a resgatar todo o xénero de bichos atrapados e até
xente. Chegou até a encontrar tesouros escondidos.
Por iso, cando os seus
compañeiros descubriron quen era realmente o Espaguetín, deixaron de chamalo así
e agora o chaman Capitán Serafín, mais el non gusta diso, porque é realmente un
heroe e os heroes non se fan chamar co seu propio nome, outramente que o
pregunten ao seu colega Lasañamán, que realmente se chama Manolo, e é moi gordo,
mais fai que calquer golpe que lle aventen rebote contra quen o aventa sen lle
causar a máis mínima dor.
Texto: Frantz Ferentz, 2023
Ilustración: Laura Frías Viana
