terça-feira, março 31, 2020

ÍNGRIDO, CABALEIRO MATADRAGÓNS

Desenho de Cavaleiro com espada e escudo pintado e colorido por ...

Íngrido era un cabaleiro matadragóns.
Gañaba a vida a pór a súa espada ao servizo de reis e nobres que tiñan problemas cos dragóns, os cales lle daban diñeiro por liquidar aqueles bichos que queimaban todo ao seu paso.
Porén, ultimamente o negocio ía algo baixo.
Ficaban poucos dragóns e, por tanto, os reis e nobres non contrataban os servizos de cabaleiros coma el.
Mágoa.
Un día, da que Íngrido tomaba o seu baño semestral (un bo cabaleiro só se baña un par de veces por ano no máximo, porque o fedor fai parte da súas estratexias de caza, o cal é algo que eu non dou entendido, mais en fin...), caeu nas súas mans algo que era o equivalente ao xornal daquela época.
Tratábase dun bando, mais non ía formado polo rei, que é o normal, mais tratábase dun bando asinado por un tal Lupubrún que dicía así:

Procúranse cabaleiros matadragóns
abertos a se enfrontar cun só dragón
de modos alternativos, sen espadas,
escudos, nin todas esas zarapalladas.
Achéguense á cova da Kola-Kola
de preferencia ben cedo á primeira hora.

A cova da Kola-Kola era un lugar sinistro onde nin os máis ousados entraban, porque dicían que estaba embruxado.
Porén, o noso cabaleiro quería mellorar o seu currículo.
Tiña que demostrar que el era quen de ir á cova da Kola-Kola e enfrentarse ao dragón que alí dicía o bando que agardaba por un cabaleiro capaz de se lle enfrentar sen espada nin escudo.
E para aló que foi.
Tivo que atravesar desertos, fragas vizosas, montañas nevadas, ríos... até que alcanzou a illa Simpática, que de simpática só tiña o nome, no medio do lago Fontenteira, cuxas augas eran consideradas venenosas.
E alí, naquela illa, era onde se atopaba a cova da Kola-Kola.
Atravesou as augas do lago despois de pagar unha fortuna ao único barqueiro que ousaba sucar aquela superficie.
Pasou a noite ao pé do esqueleto dunha vella árbore que parecía rañar na lúa.
Tivo que esperar ao amañecer.
De fronte, erguíase no centro da illa o antigo volcán Ukululu.
Na metade da aba abría a entrada.
Íngrido deixou a súa armadura, escudo e espada no chan e comezou a subir.
Durante o camiño pensaba en como sería o desafío: ¿loitar coas mans, kungfú, a ver quen duraba máis aturando a respiración, unha guerra de peidos...?
Cando finalmente chegou á entrada da cova, entrou.
Camiñou uns pasos e axiña atopouse co dragón deitado nun recanto.
Cando o dragón o viu entrar, ergueuse e presentouse:
– Benvido, cabaleiro, eu son Lupubrún.
– Daquela, ti es quen asinou o bando.
– Exacto. Estou á procura dun rival digno de min. Serás ti?
– Probemos –dixo Íngrido.
– Acompáñame.
O cabaleiro seguiu o dragón pola cova até chegaron a unha galeria inmensa. 
No centro había algo oculto cun enorme cobertor. 
O cabaleiro pensou que se trataría dunha pista de fango.
Estaba certo de que, se o fose, vencería o dragón.
Nese momento, o dragón puxo uns anteollos e retirou a coberta.
– Que degorrios é iso? –preguntou Íngrido ao ver unha mesa con figuriñas arrombadas enriba.
– Iso? Iso é un taboleiro de xadrez. Escolle, pretas ou brancas?

© Frantz Ferentz, 2020

segunda-feira, março 23, 2020

OS VIZINHOS DO 1ºD

Resultat d'imatges per a "quarantine"
Dia 1: Acabamos de entrar em quarentena pelo Covid-19. Os vizinhos agem como se não dessem pela televisão. Vão e vêm para se visitarem felizes. Nunca apreenderam a falar, sempre gritam. Batem-se entre eles. Parece como se lutassem pela comida. Não sei o que pensar.
Dia 2: Chegam os filhos, vão embora os filhos, voltam os filhos. Tenho a tentação de ligar para a polícia e informar que eles não respeitam o confinamento. Ouço os cães, ignoro se falam com eles ou se se batem com eles.

Dia 3: Enquanto a população toda continua confinada, os vizinhos mantêm a sua vida ordinária. A minha esposa sai à rua para fazer compras e diz que viu os vizinhos, mas levavam máscaras... Para quê? Pergunto-me eu.
Dia 4: Os vizinhos não mudam o seu comportamento.
Dia 5: São as cinco da madrugada. Despertam-me uns barulhos terríveis no corredor. É o exército que entra. Derrubam a porta da casa dos vizinhos. Após duas horas, todos quanto entraram, não saíram. Tudo é silêncio.
Dia 6: Debruço-me ao corredor. A porta da habitação dos vizinhos é fechada. O silêncio dura até à serão. Depois, vêm mais filhos e fazem os barulhos habituais.
Dia 7: Há polícias e militares na rua, mas não ousam subir. Os vizinhos continuam com as suas disputas. Debruço-me à janela e vejo como lançam cadáveres. Há gritos de terror na rua. Retiram os corpos. Todos vão embora. Os vizinhos têm mais festa.
Dia 8: Toda a noite despertos por causa dos vizinhos. De repente entram sem aviso as forças de assalto. É um escândalo sem precedentes. Os vizinhos parece que controlam os assaltantes. Silêncio durante umas horas.
Dia 9: Creio que vamos morrer todos. Estou no chão a escrever estas últimas linhas no telemóvel. Parece ser que os vizinhos controlam o coronavirus à vontade. Fartos dos ataques, usaram-nos contra o resto da população.
NOTA FINAL DO DR. LIEGER: Após ler este diário dum vizinho dos moradores do 1ºD, acho que o controlo que eles obtiveram do coronavírus foi possível graças ao facto de eles serem os últimos australopitecos vivos e serem imunes a vírus como o Covid-19. Daí a sua capacidade de supervivência primeiro e de controlo do vírus depois. Mágoa não termos descoberto dantes que eram a derrdeira tribo de australopitecos a morarem entre nós. Infelizmente, a única hipótese para os seres humanos sobreviverem é desevoluírem para austrolopitecos. Porém, já agora estamos todos, absolutamente todos, contagiados. Por agora, já tirei a minha roupa e preparo-me a caminhar com o apoio das mãos, como os moradores do 1ºD. Eles hão de nos mostrar o caminho.

© Frantz Ferentz, 2020