MICRO-OITO

— Papá, estou seguro de que hai un monstro dos pesadelos embaixo da miña cama —dixo o neno—. Podes ollar alí? Teño tanto medo...

O papá amoroso interrompeu a súa cea e foi ollar embaixo da cama. Até colleu unha lanterna. Analizou o sitio atentamente e despois díxolle ao fillo:

— Fillo meu, non hai monstro dos pesadelos embaixo da cama.

— Tes certeza diso, papá? Eu sei que hai alguén alí embaixo.

— Teño, trátase dun Tremebundus Devorator Domesticus, non dun vulgar monstro dos pesadelos, con que non tes nada que temer, porque esta criatura secuestra nenos coma ti e convérteos en espaguetes a cores.